Category: நூல் அறிமுகம்

மொழி, பண்பாடு, கல்வி குறித்த கட்டுரைகள் ச. மாடசாமி வகுப்பறையும் அறிவொளியும்தான் இந்தக் கண்களுக்கு வெளிச்சத்தைத் தந்தன. கல்வியிலும் கலாச்சாரத்திலும் பேச்சிலும் மொழியிலும் தட்டுப்பட்ட மேடுபள்ளங்களை அறிந்தது இந்த வெளிச்சத்தின் வழிதான். நான் பகிர்ந்துகொள்ளும் மொழியும் இந்த வெளிச்சத்தில் கிடைத்ததுதான். இது சன்னமான வெளிச்சம். இருந்தபோதும், இதன்மீது இருட்டு வந்து அடைந்தது இல்லை. பேச்சிலும், தோற்றத்திலும், அறிவாளித் தனத்திலும் மிகச் சாதாரணமாய்த் தெரிவோர் இடையறாமல் இந்த வெளிச்சத்தை வழங்கிக் கொண்டிருக்கையில் இருட்டு எப்படி வரும்?… எளிய மக்களோடு கலக்கையில்தான் என் இறுக்கம் நெகிழ்கிறது. மெல்லக் கற்ற மாணவர்கள்தான் ஆத்மார்த்தமாய் என்னோடு நெருங்கி இருந்திருக்கிறார்கள். என்றென்றைக்கும்நம்பிக்கைக்குரிய அவர்களுக்காகவே நான் தொடர்ந்து பேசுகிறேன். எழுதுகிறேன். ச. மாடசாமி கல்வி,கலாச்சாரம்,மொழி,பேச்சு உட்பட சமூகத்தின் நிலப்பரப்பில் எத்தனையோ மேடு பள்ளங்கள். அவற்றை இனங்கண்டு பாதுகாப்பாய் சமூகத்தைச் சமன் செய்ய ஒரு வெளிச்சம் தேவையாயிருக்கிறது….

பேராசிரியர் கே.ஏ. மணிக்குமார் எழுதிய Murder in Mudukulathur: Caste and Electrol Politics in Tamilnadu (முதுகுளத்தூர் படுகொலை: தமிழ்நாட்டில் சாதியும் தேர்தல் அரசியலும்) புத்தக வெளியீட்டு விழா பேராசிரியர் கே.ஏ. மணிக்குமார் எழுதிய (Murder in Mudukulathur: Caste and Electrol Politics in Tamilnadu) முதுகுளத்தூர் படுகொலை, தமிழ்நாட்டில் சாதியும் தேர்தல் அரசியலும் என்னும் நூல் வெளியீட்டு விழா 29.05. 2017 அன்று மாலை 5.30 மணியளவில் சென்னை நுங்கம்பாக்கத்திலுள்ள லயோலா கல்லூரியில் நடைபெற்றது. இந்நிகழ்ச்சியில் மேனாள் துணைவேந்தர் ம.சு.பல்கலைக் கழகத்தின், முனைவர் வே. வசந்திதேவி தலைமை வகித்தார். இந்நூலை கஸ்தூரி – சன்ஸ் லிமிட்டெட்டின் தலைவர் என். ராம் நூலை வெளியிட்டார். விழாவில் முதல் பிரதியை (உள்துறை அமைச்சகத்தில் பணிபுரிந்து ஓய்வு பெற்ற, மூத்த ஆலோசகர் கே.விஜயகுமார் பிரதியைப் பெற்றுக் கொண்டார்….

மார்க்சிஸ்ட் மாத இதழ்   உண்மையில் பாஜக ஆட்சிக்குவருவதும், ஆர்.எஸ்.எஸ் வலிமையடைவதும் ஆட்சி மாற்றத்தால் மட்டும் அல்ல. தேர்தல் வெற்றிதோல்விகளைப் போன்ற வழக்கமான செய்தியாக அதனைப் பார்க்க முடியாது. அவர்களின் செயல்திட்டம் மதச்சார்பின்மைக்கு எதிரானது. அது நாடாளுமன்ற ஜனநாயகம் என்னும் அமைப்பை பலவீனப்படுத்துகிறது. அந்த இடத்தில் சகிப்புத் தன்மையற்ற குருமார்களின் சித்தாந்தத்தைக் கொண்ட வெளிப்படையான பயங்கரவாத சர்வாதிகார அமைப்பு ஒன்றால் மாற்றி அமைக்கப்படுகிறது. இத்தகைய அபாயத்தை எதிர்கொள்ள தேவையான தெளிவை இந்த நூல் வழங்கும்.

“பியானோவை வாசிக்க பத்து விரல்களையும் இயக்க வேண்டும்.சில விரல்களை மட்டும் வைத்துக்கொண்டு மற்றவற்றைத் தவிர்த்தால் அதை இயக்க முடியாது.பத்து விரல்களையும் ஒரே நேரத்தில் அழுத்தினால் இன்னிசை பிறப்பதில்லை.ஒரு நல்ல இசையை உருவாக்குவதற்கு பத்து விரல்கள் நயமாகவும் ஒன்றிணைந்தும் இயங்க வேண்டும்….” இசைக்கலைஞர் ஒருவரின் கருத்து இது என்றால் அதில் வியப்பதற்கு ஒன்றுமில்லை.ஆனால்,கம்யூனிஸ்ட் கட்சி ஸ்தாபனம் தொடர்பாக செஞ்சீனப்புரட்சி நாயகர் மாவோ சொன்ன மேற்கோள் இது.இதை எதற்கு உவமையாக மாவோ சொன்னார்? “கட்சிக்கமிட்டி தனது மையமான கடமையினை உறுதியாகப் பற்றி நிற்க வேண்டும்.ஆனால் அதே நேரத்தில் மையமான கடமைகளுக்கு மத்தியில் மற்ற தளங்களில் வேலைகள் திறந்து விடப்பட வேண்டும்.தற்சமயத்தில் நாம் பல தளங்களில் இந்த கவனத்தைக் கொண்டு செல்ல வேண்டியுள்ளது.சில பிரச்சனைகளில் மட்டும் நமது மொத்தக் கவனத்தையும் செலுத்துதல் கூடாது.” என்று சொல்லுகிற மாவோ மீண்டும் பியானோவைக் கையில்…

வாய்மொழி மரபில் உலகப்புகழ் பெற்ற கதைகள் இவை. எகிப்திய மன்னன் ஃபாரோ அமாசீஸ் காலத்தில்,அதாவது ஐந்தாம் நூற்றாண்டில் வாழ்ந்தவர் ஈசாப் என்று சொல்கிறார்கள்.எழுத்தறிவு இல்லாத இவரின் வாழ்நாள் முழுவதும் வறுமையும் துன்பமுமே நிறைந்திருந்தது. இவரின் மரணமும் கூட இயற்கையானதல்ல எனப்படுகிறது.ஏதோ ஒரு குற்றச்சாட்டின் பேரில் மலைமீதிருந்து உருட்டிவிடப்பட்டதாகக் கூறப்படுகிறது. புரட்சியாளர்களுக்கும்,புதுமையான கருத்தாளர்களுக்கும் அக்காலத்தில் இயற்கையான மரணம் இல்லை. எழுதப்படிக்கத் தெரியாமல் அடிமையாகத் துயரப்பட்டாலும் உலகமே வியக்கும் கதைகளை வழங்கியவர் ஈசாப். கிரேக்கத்தைப் பூர்வீகமாகக்கொண்ட இக்கதைகள் காலத்தை வென்று நிற்பவை..பத்து அல்லது பதினைந்து வரிகளுக்குள் முடிந்துவிடும் இக்கதைகளின் பாத்திரங்கள் பெரும்பாலும் விலங்கினங்களே.அவற்றின் வழியே உணர்த்தப்படும் நீதி மானுடம் முழுமைக்கானதாக ஏற்றுக் கொள்ளப்பட்டிருப்பதே ஈசாப் கதைகளின் பலம்.

மகாகவி பாரதியின் வாழ்க்கைத் துணைவியாக வாழ்ந்த செல்லம்மாள் படிப்பறிவு மிகவும் குறைவாகப் பெற்றிருந்த  ஓர் எளிய கிராமத்துப் பெண். அவர் கண்ட கனவுகளெல்லாம்  நிராசையாகி நொறுங்கிப் போயிருந்திருக்க வேண்டும். எனினும் பாரதியின் கவிமனதைப் புரிந்து கொண்டு தொடர்ந்து ஈடு கொடுத்து வந்திருக்கிறார் அவர் என்பதை இந்நூலைப் படிப்போர் உணர முடியும். கண்ணீரை வரவழைக்கும் பல வரிகள் செல்லம்மாவினால் கூறப்பட்டுள்ளன. அவருடைய பேதை நெஞ்சின் அடியாழத்திலிருந்து, ஆழ்ந்த உணர்ச்சி வெளிப்பாட்டுடன் வெளிப்பட்ட உண்மை மொழிகள் இவை. எனவேதான் ’கவியோகி’ சுத்தானந்த பாரதி,  ‘நேரே நின்று பேசுவதுபோல்’ அவ்வளவு சரளமாக இந்த நூலை எழுதியளித்த ஸ்ரீமதி பாரதிக்குத் தமிழர்கள் நன்றி  செலுத்தக் கடமைப்பட்டிருக்கிறார்கள் என்று பாராட்டியிருக்கிறார். அதோடு, பாரதியாரின் காதல், வீரம், தியாகம், நாட்டன்பு, தமிழன்பு, தைரியம், ஈகை, சமத்துவம், கவிதா சக்தி, அன்பு முதலிய குணங்களைப் படம் பிடித்ததுபோல்…

டாக்டர் பாஸ்கரன் வங்காளக் கதைகள்: (மொழி பெயர்ப்பு திரு சு.கிருஷ்ணமூர்த்தி) டிஸ்கவரி பேலஸ் புத்தகக் கடையில், மழையில் சிறிது ஈரமாகிப்போன புத்தகங்கள் 30% டிஸ்கவுண்டில் அடுக்கியிருந்தார்கள். வைரமுத்துவின் ‘கல்வெட்டுக்கள்’ கரையாமலிருந்ததால் வாங்கிக்கொண்டேன். மழையிலிருந்தும், வாசகர் பார்வையிலிருந்தும் தப்பிய சில நல்ல புத்தகங்களும் டிஸ்கவுண்டில் கிடந்தன. சு.கிருஷ்ணமூர்த்தி மொழிபெயர்த்திருந்த ‘வங்காளக் கதைகள்’ (பல ஆசிரியர்கள்) தொகுப்பு ஒன்று – நல்ல நிலம் பதிப்பகம் – எடுத்துக் கொண்டேன். அருமையான கதைகள் – மொழிபெயர்ப்பென்றே தெரியாத சிறப்பான நடை! மேற்கு வங்க மக்களின் குடும்பங்கள், தனி மனித உறவுச் சிக்கல்கள், சமூகரீதியான அவலங்கள், பிரிவினையின் தாக்கங்கள் என பரந்துபட்ட வாசிப்பானுபவம்! சம்ஸ்கிருதம், ஆங்கிலம், இந்தி, வங்காளம் மொழிகளில் புலமை பெற்ற தமிழர் திரு கிருஷ்ணமூர்த்தி அவர்கள் ! சாகித்திய அகாடமியின் மொழிபெயர்ப்புக்கான பரிசு மற்றும் இலக்கியச் சிந்தனை பரிசு (4…

இரா தெ. முத்து பொள்ளாச்சி இலக்கிய வட்டத்தின் துடிப்பான கவிஞர் ஆன்மன். இவரின் முதல் கவிதைத் தொகுப்பு லெமூரியக் கண்டத்து மீன்கள். முகநூலில் இவர் இடும் கவிதைகளுக்கு நல்ல வரவேற்பு இருப்பதைக் கவனிக்க முடிகிறது. நேர்முகத்தில் சூழலைக் கலகலப்பாக வைத்திருப்பதில் வல்லவர் என்பதையும் அறியமுடிகிறது. தொகுப்பின் தொடக்கத்திலேயே தன் சொற்கள் வழியாக யாரென அறிய முடிகிறதோ அதுதான் தான் என்று தன்னிலை விளக்கம் தந்து விடுகிறார்.இருத்தலுக்கும் அதை மீறுவதற்குமான மனநிலைக்கான ஊடாட்டமாக இவரின் கவிதை இருக்கிறது. அதிகாரம், அங்கீகாரம்,சுதந்திரத்தைக் கேள்விக்குள்ளாக்குகிறார். கேள்விகளை தீர்க்கமாக்கி கைமாற்றாமல், அய்யங்களால் அனுமானங்களால் உலவவிடுகிறார் ஆன்மன். கானுயிர்களை விடுதலை உணர்விற்கான படிமமாகப் பயன்படுத்தலாம்.மானுட வாழ்வின் நிறைதலுக்கு கானுயிர்களின் சுருக்கப்பட்ட தேவையை முன் வைப்பதன் வழி, வளங்களைச் சுரண்டுவோர் மீதான பெருக வேண்டிய கோபம் கவிதைகளில் மட்டுப்படுத்தப்பட்டுவிடுகிறது. இருப்பியலைக் கலைத்துப் போட வேண்டிய கவிதையின்…

என். சிவகுரு பழனி கல்லூரியில் விலங்கியல் பேராசிரியராகப் பணியாற்றி ஓய்வு பெற்ற சோ.மோகனா, தற்போது எழுதியுள்ள புத்தகம். தலைப்பை மீண்டும் படியுங்கள்..பேசப்படவேண்டியவர்கள் என்றால் சமூகம் இதுவரை அவர்களைப் பற்றி தேவையான அளவு பேசவில்லை என்று தானே பொருள் படுகிறது.ஆம்.இப்புத்தகம் 128 பக்கங்களைக் கொண்டது. முழுவதுமாக படித்து முடித்தவுடன் மூளையில் யாரோ அடித்தது போல் இருந்தது. இளம் பருவத்தில் பள்ளியிலோ,கல்லூரியிலோ, தெரிந்து கொள்ளாமல் போன பல ஆளுமைகளை அறிமுகப்படுத்தி, அவர்கள் செய்த அறிவியல் பணிகள் இம்மனித சமூகத்தின் மேன்மைக்கு, வளர்ச்சிக்கு எப்படியெல்லாம் பயன்படுகின்றன என்பதை விவரித்திடும் அற்புத அறிவியல் படைப்பு. அறிவியலின் தளத்தில் எந்த விஞ்ஞானிகள் என்ன இச்சமூகத்துக்காக செய்துள்ளார்கள், ஏன் அவர்களைப் பற்றி படித்திட வேண்டும் என்பதை தனக்கே உரிய பாணியில் பதிவு செய்துள்ளார் தோழர் மோகனா. விஞ்ஞானத்தை , அறிவியலை வாழ்வியலாக கொள்ள வேண்டியதின் அவசியத்தை…