You are here
vannam-poosiya-paravai நூல் அறிமுகம் 

வண்ணம் பூசிய பறவை – ஜெர்ஸி கோஸின்ஸ்கி

வண்ணம் பூசிய பறவை
ஜெர்ஸி கோஸின்ஸ்கி | தமிழில்: பெரு. முருகன்
புலம், பக்.307, விலை ரூ.225

ஜெர்மன் மொழியில் எழுதப்பட்டு உடனடியாக யூத மொழியிலும் ஆங்கிலத்திலும் வந்த நாவல். ஆனால் போலிஷ் மொழி நாவல் என்றே பொதுவாக அது அறியப்பட்டதற்கு காரணம் கோலின்ஸ்கி போலந்தில் பிறந்த யூதர். இரண்டாம் உலக யுத்தத்தின்போது நாஜிக்களால் தாய், தந்தையிடமிருந்து பிரிக்கப்பட்டு விட்ட ஐந்து வயது சிறுவனின் துயரக் கதையே இந்த நூல். 1965ல் வெளிவந்தது.

அகதியாய் அனாதையாய் திரியும் ஒரு சிறுவனை பின்பற்றி நகரும் இந்த கதை நமக்கு மனித இனத்தின் வக்கிரமான கொடிய வஞ்சக உலகை ஆழமாக விவரித்து விம்மிப் பரிதவிக்க வைக்கிறது. மேற்கு ஐரோப்பாவின் பல்வேறு கிராமங்களில் அவன் அடைக்கலமாகிறான். ஆனால் சிறுவன் எதிர் கொள்வதெல்லாம் குரூரங்களையும், கொடூரங்களையும் மட்டுமே சமூகம் அவன் மீது சுயநலம் மற்றும் வக்கிரங்களால் யுத்தம் தொடுக்கிறது. நாவலின் லேக் எனும் பறவை வேட்டையன் வருகிறான்.

ஒரு பறவை அகப்படும் அதன் சிறகுகளுக்கு பெயிண்ட் பலவண்ணங்களில் அடித்து பின் பறக்க விடுவான். அதை அவன் அவ்வப்போது செய்வான். அப்பறவை எவ்வளவு முயன்றாலும் தன் இனக்குழுவோடு இணைய முடியாது. தன் இனப் பறவைகளே அதை எதிரி என நினைத்து கொத்தித் துரத்திக் கொன்றுவிடும். நம் கதை அது தான்.

தேவாலயங்கள், உயர்ந்த மாடங்கள் கிராமத்து வீதிகள், குழந்தை என்றோ சக மனிதன் என்றோ அவன் மீது எந்த இரக்கமும் காட்டவில்லை தேவாலய மலக்குழியில் அவன் வீசப்படும்போது குரலை இழப்பதும் பிறகு பின் நாட்களில் தொலை பேசி வழியே வரும் ஒரே ஒரு நேசக்குரல் கேட்டதும் தானாகவே பேசுவதும் இந்த நூலின் அற்புதம். மனிதநேயமும், தோழமையும் எத்தனை வலிமையானது என்பதை விவரிக்கும் அபூர்வ எழுத்து. அட்டகாசமான மொழி பெயர்ப்பு.

Related posts

Leave a Comment